ЕРЕҢ ТЕРКӘЛГӘНМЕ? 23-05-2017, 11:13 // Категория: Йәмғиәт

Башҡортостан Республикаһы Хөкүмәтенең «Башҡортостан Республикаһы территорияһында ерҙәрҙең маҡсатҡа ярашлы файҙаланылыуы һәм ер участкалары менән капиталь төҙөлөш объекттарының рөхсәткә ярашлы ҡулланылышы, һәм шулай уҡ уларҙың факт буйынса ҡулланылышын асыҡлау буйынса саралар үткәреү» тигән 2017 йылдың 5 апрелендәге 145-се һанлы ҡарары ҡабул ителде.

Ошо ҡарар нигеҙендә район хакимиәтендә Көйөргәҙе районы территорияһында планлаштырылған саралар уҙғарыу өсөн эш төркөмө булдырылған. Эш төркөмөнә ауыл советы вәкилдәре, Росреестр, БТИ, район Хакимиәте бүлектәре етәкселәре инә. Саралар үткәреүҙең графигы билдәләнгән.

Район хакимиәтенең муниципаль ер контроле буйынса баш инспекторы Рөстәм Байгилдин әйтеүенсә, ер участкаларына һәм капиталь төҙөлөш объекттарына инвентаризация үткәреүҙең маҡсаты һалым йыйыуға, дәүләтте байытыуға ҡайтып ҡалмай. Бындай тикшереү ошоға тиклем тотонолоп та, әммә һаман да бер ниндәй ҙә рәсми ҡағыҙы булмаған ер хужаларының, ниһайәт, үҙҙәренең милкен законлаштырыуға этәрәсәк. «Беҙ иң беренсе халыҡты ҡайғыртабыҙ. Бик күптәрҙең ерҙәре рәсмиләштерелмәгән. Аҙаҡ: «Бында мин 20 йыл йәшәйем, нишләп миңә штраф һалалар», - тип илап киләләр. Шундай хәлдәр килеп тыумаһын өсөн, һәр шәхси хужалыҡ та, шулай уҡ эре хужалыҡтар ҙа үҙҙәренең барлыҡ ерҙәрен законға ярашлы рәсми теркәргә тейеш. Ул ерҙәр арендаға алынғанмы йәки үҙеңдең шәхси милкеңме — барыһын да законлаштырыу зарур. Бында бесәнлектәрҙән башлап барлыҡ башҡа ер участкалары инә. Элек штраф күләме 500 һум ғына тәшкил итһә, хәҙер ул 5 000 һумға барып баҫа. Ябай тел менән әйткәндә инде: һәр бер кеше машина һатып алғас, иң тәүҙә уны теркәй. Шулай уҡ һәр бер ер участкаһы ла теркәлергә һәм уның тейешле документы булырға тейеш. Халыҡҡа тик шуны аңларға ғына кәрәк буласаҡ», - тигән аңлатма бирҙе Рөстәм Тәлғәт улы.

Шулай итеп, штраф түләгегеҙ килмәһә, йәки рәсми рәүештә теркәлмәгән ерҙәрегеҙ булһа, тиҙерәк законлаштырыу эшенә тотонорға кәрәк буласаҡ инде. «Беҙҙә һәр ауыл советының ерҙәре буйынса мәғлүмәт тупланған. Шул база буйынса ҡарап, кемдәрҙең ерҙәре рәсмиләштерелмәгән, шуларға барасаҡбыҙ һәм штраф һаласаҡбыҙ», - ти Рөстәм Байгилдин. Әйткәндәй ер участкаларын һәм капиталь төҙөлөш объекттарын инвентаризациялау Зәк-Ишмәт ауыл советынан башланған да инде. График менән Көйөргәҙе районы Хакимиәте сайтында танышырға буласаҡ, тинеләр район хакимиәте белгестәре.

Уҡынылар 16 тапҡыр   Тотош уҡырға

БИЛ БИРМӘҪ БАТЫРҘАР ЯРЫШЫ 16-05-2017, 15:15 // Категория: Йәмғиәт

БИЛ БИРМӘҪ БАТЫРҘАР ЯРЫШЫ

Халҡыбыҙҙың иң күркәм байрамдарының береһе – һабантуй.

Уҡынылар 17 тапҡыр   Тотош уҡырға

КАРТОЧКА БИРМӘКСЕЛӘР 16-05-2017, 15:10 // Категория: Йәмғиәт

КАРТОЧКА БИРМӘКСЕЛӘР

Ил властары ярлыларга ярҙам итергә йыйына - аҙыҡ карточкалары уйлап сығармаҡсылар.

Уҡынылар 13 тапҡыр   Тотош уҡырға

«ТОТОП АШАМАҪ ТИМӘ!» 16-05-2017, 15:03 // Категория: Йәмғиәт

«ТОТОП АШАМАҪ ТИМӘ!»

Үткән шәмбелә Омск ҡалаһында бер магазинда шәкәргә хаҡты төшөрөп һатҡандар. Арзан шәкәр алам тип халыҡ ғауғалаған, хатта, һуғышыуға барып етә яҙғандар.

Уҡынылар 12 тапҡыр   Тотош уҡырға

ЖЮРИҘАР ҺАЙЛАЯСАҠ 16-05-2017, 14:51 // Категория: Йәмғиәт

ЖЮРИҘАР ҺАЙЛАЯСАҠ

«Юшатыр, мин матур» конкурсында ҡатнашыусы ҡыҙҙарҙы интернетта лайктар менән генә билдәләй алмаясағыбыҙҙы аңлағас, беҙ жюри булдырырға ҡарар иттек.

Уҡынылар 25 тапҡыр   Тотош уҡырға

ЙОЛАҒА ӘҮЕРЕЛДЕ 12-05-2017, 15:48 // Категория: Йәмғиәт

ЙОЛАҒА ӘҮЕРЕЛДЕ

Бөйөк Еңеү байрамы районыбыҙҙа ҙур ойошҡанлыҡ һәм тантана менән үтте. Ул хәҙер күркәм йолаға әүерелде. Сара митингтан башланды.

Уҡынылар 24 тапҡыр   Тотош уҡырға

МӘҢГЕ БУРЫСЛЫБЫҘ 12-05-2017, 15:46 // Категория: Йәмғиәт

Бына тағы ла илебеҙгә 72-се тапҡыр Еңеү байрамы килде. Нисә йылдар үтһә лә, ошо изге көндә моңһоу ҙа, тантаналы ла хистәр кешеләр күңелендә.

Беҙ, тыныс күк аҫтында тыуған быуын, киләсәгебеҙ хаҡына үҙҙәренең ғүмерҙәрен ҡорбан иткән, тыуған илебеҙҙе фашизмдан һаҡлап алып ҡалған яугирҙәргә мәңге бурыслыбыҙ.

Уҡынылар 18 тапҡыр   Тотош уҡырға

ҠЫМЫҘ БЕШЕҮСЕ ИНӘЙ 12-05-2017, 15:37 // Категория: Йәмғиәт

5 майҙа Ермолаево ауылында йәшәгән Сәлимә Тазетдин ҡыҙы Исхаҡова 90 йәшен билдәләне. Оло юбилейы айҡанлы уны Ермолаево ауыл советы хакимиәте башлығы урынбаҫары Марина Букреева менән эштәр идарасыһы Людмила Фәйзуллина йортона килеп ҡотланы.

Сәлимә инәй 1927 йылда Әлшәй районы Иҫке Васильевка ауылында 7 балалы ғаиләлә икенсе бала булып донъяға килә. Тормош иптәше Әмирйән Шәкүрйән улы менән улар 5 балаға — 2 ҡыҙ һәм 3 улға ғүмер биреп, матур итеп тәрбиәләп үҫтерәләр. «Әнейем ғүмере буйы колхозда эшләне. Ул үҙенең бөхтәлеге, уңғанлығы менән һәр ваҡыт бар кешене хайран итте. Уның бешергән аштарын ашап та туйғыһыҙ була торғайны. Ауылда ла, хатта, күрше тирә-яҡта ла бер байрам да, бер туй ҙа ул бешергән ризыҡтарһыҙ үтмәне. Ул бешкән ҡымыҙҙы әйтеп тораһы ла юҡ. Шул тиклем тәмле була ине. Уның ҡымыҙын алабыҙ тип, илебеҙҙең төрлө тарафтарынан киләләр ине. Беҙҙе лә әнейем тормош көтөргә өйрәтте. Әтейем мәрхүм булғаны бирле әнейем Ермолаево ауылында Рәүеф энемдәрҙә йәшәй», - ти уның Ермолаевола донъя көткән ҡыҙы Маһира.

Уҡынылар 16 тапҡыр   Тотош уҡырға

РАЙОН УЛАРҘЫ КӨТӘ 12-05-2017, 12:22 // Категория: Йәмғиәт

РАЙОН УЛАРҘЫ КӨТӘ

7 майҙа район хакимиәте башлығы Әхәт Ҡотлоәхмәтов йылдағы йола буйынса студенттар менән осрашты. Былтыр райондан сыҡҡан 432 студенттың 81-е килһә, быйылғы осрашыуҙа 569 студенттың 117-һе ҡатнашты. Ермолаево ауыл советындағы 116 студенттың 10-ы ғына, Илкәнәйҙән 28-ҙең 2-әүһе, Зәк-Ишмәт силсәүитенән 33-төң 8-ҙе генә килгәйне. Шулай уҡ был сараға сығарылыш класы уҡыусылары ла саҡырылғайны.

Уҡынылар 24 тапҡыр   Тотош уҡырға

САЛАТТАРЫ ТӘМЛЕ, ТИП МАҠТАҺЫНДАР 12-05-2017, 11:41 // Категория: Йәмғиәт

САЛАТТАРЫ ТӘМЛЕ, ТИП МАҠТАҺЫНДАР

«Аҙна һайын бүләк» акцияһы дауам итә. Кесе йома, 11 май көндө, лототронда квитанциялар уйнатылды. Был юлы Илкәнәй ауылынан уҡытыусы Айгөл Рәҡип ҡыҙы ХӨСӘЙЕНОВА салат һауыттары йыйылмаһы отто. Уны ҡотлайбыҙ! Алдағы йылдарҙа ла «Юшатыр» гәзитенән айырылмауын теләйбеҙ!

Сираттағы бүләк 17 майҙа, шаршамбы көндө, уйнатыласаҡ. Был аҙнала һеҙ, ҡәҙерле гәзит уҡыусылар, ташламалы арзан хаҡҡа яҙылып, квитанцияларығыҙҙы конкурста ҡатнашыу өсөн редакцияға килтерә алаһығыҙ. Рәхим итегеҙ!

Уҡынылар 14 тапҡыр   Тотош уҡырға